Etrit Berisha nuk po ndihet aspak mirë në skuadrën aktuale Lazio.
Portieri i Kombëtares së Shqipërisë, ka humbur vendin e titullarit në klubin kryeqytetas dhe tani po qëndron në bankën rezerv, transmeton Telegrafi.
Sipas menaxherit të lojtarit, Eljver Raca, Berisha nuk ndihet i lumtur në kryeqytetin italian.
"Etriti dëshiron të luajë dhe për këtë arsye nuk është i lumtur. Por, ka një kontratë për pesë vjet me Lazion dhe klubi dëshiron që ai të qëndrojë. A ka pasur oferta? Po, disa telefonata ka pasur, edhe pse asgjë serioze”, deklaroi agjenti i lojtarit.
Në rast se nuk largohet gjatë këtyre ditëve të fundit të afait kalimtar të janarit, Berisha mund të ndahet me Lazion në verë.