Ndeshja çerekfinale e Kupës së Italisë kundër Lazios do të jetë vendimtare për të ardhmen e trajnerit të Milanit, Filippo Inzaghi.
Ish-sulmuesi italian mori drejtim e Rossonerëve në fillim të këtij sezoni, pas shkarkimit të ish-futbollistit tjetër, Clarence Seedorf, mirëpo gjasat janë të mëdha që ta ndjekë fati i njëjtë.
Rezultatet e këqija kanë bërë që të luhatet posti i Inzaghit, ndërsa mediat raportojnë se ndeshja e të martës do ta vendosë fatin e tij.
Si zëvendësues të tij të mundshëm përmenden asistenti Mauro Tassotti dhe ish-trajneri i Romës, Luciano Spalletti.