Real Madridi përgatitet maksimalisht për derbin e madh që e pret të shtunën e fundjavës në Santiago Bernabeu. Ata para shikuesve të vet ndeshen me rivalin e përbetuar e të përjashtëm Barcelonën. Kjo ndeshje është derbi i javës së nëntë të kampionatit spanjoll apo derbi më i madh botëror, ku dy skuadra kanë lojtarët më të mirë në petkun e tyre. Portieri i Realit, Iker Casillas, mendon se sulmuesi Cristiano Ronaldo është më i mirë se Lionel Messi. “Ronado është më i mirë se Messi dhe është në formë të shkëlqyer në këtë moment”, tha Casillas. Ballafaqimi Real-Barcelona, luhet të shtunën në orën 18.00. Reali mban vendin e tretë me 18 pikë, por synon t’i shkaktojë humbjen e parë Barcelonës, e cila kryeson renditjen me 22 pikë ose ka shtatë fitore e një barazim dhe goldallimin 22:0. “Të shtunën luajmë në shtëpi dhe jemi në formë të lartë, pasi kemi tetë fitore radhazi dhe qëllimi ynë është t’i marrim nga tri pikë për çdo ndeshje”, thotë Casillas.