Nga përplasja e sotme e tifozëve Torcida dhe Plisa, dy janë deklaruar si të lënduar, teksa dy të tjerë janë arrestuar nga policia.
Incidenti i sotëm mes tifozëve mitrovicas, Torcida dhe atyre prishtinas, Plisat, ka lënë të lënduar dy tifozë.
E, dy të tjerë janë arrestuar nga Policia e Kosovës, ka bërë të ditur zëdhënësi i kësaj të fundit për rajonin e Mitrovicës, Avni Zahiti.
“Si pasojë e përleshjes së dy grupeve të tifozëve gjatë ndeshjes, policia ka ndërhyrë dhe është detyruar që grupin e tifozëve nga Prishtina t’i kthejë për në Prishtinë”, tha për Zëri, Zahiti.
“Policia ka pasur planin e veprimit, por këtë e ka vështirësuar fakti se tifozët vendas, kanë shpërthyer barrierën që i ndante tifozët, të cilët kanë kaluar në anën tjetër. Me këtë rast dy persona janë të lënduar dhe dy të arrestuar”, shtoi tutje zëdhënësi policor.