Ish-trajneri i Prishtinës, Afrim Tovërlani, tash do të jetë në krye të skuadrës së futbollit Besa e Pejës, pasi që është tërhequr Valdet Shoshi. Tovërlanin do ta pret një sprovë e re në krye të skuadrës pejane, e cila në dy takimet e para ka pasur një start të palakmueshëm. Në dy ndeshjet si vendase, pejanët patën një barazim 3:3 me Trepçën 89’ dhe së fundi u mundën nga Prishtina me rezultat 2:1. Ndaj Shoshi nuk mundit t’i durojë këto rezultate dhe vendosi të tërhiqet për të zëvendësuar Tovërlani. Lajmi u konfirmua edhe në profilin e faceobokut të klubit pejan, se Tovërlani do të jetë në krye të klubit. Pejanët aktualisht renditen në vend të nëntë me vetëm një pikë në Raiffeisen Superligë.
