Mbrojtësi i Real Madridit, Sergio Ramos është shprehur i kënaqur me paraqitjen e skuadrës së tij në duelin e fituar kundër Bayern Munichut, 1:0, në ndeshjen e parë gjysmëfinale në Ligën e Kampionëve. Megjithatë, ai këmbëngul se ky rezultat mund të mos mjaftojë për finale
“Ishte një ndeshje e mirë. Ishte vështirë, pasi loja ishte shumë e shpejt dhe kishim kundërshtar një skuadër që i pëlqen ta dominojë qarkullimin e topit. Ne u detyruam të bëjmë presion për ta vjedhur topin në fazën sulmuese”, ka thënë Ramos.
“Mendoj se duhet të luajmë për fitore edhe në ndeshjen e kthimit sepse rezultati 1:0 mund të mos mjaftojë. Ne do të vazhdojmë të studiojmë kundërshtarin në përpjekje për të siguruar finalen”, ka shtuar ai.