Argjentina në këmbë për Carlos Tevez. Futbollisti i Juventusit që po shkëlqen në Serie A është bërë çështje në vendin e tij, me tifozët që kanë nisur një fushatë për rikthimin e tij në kombëtare.
Pasi e nisën fushatën fillimisht në rrjetet e ndryshme sociale, tashmë nismëtarët e kësaj sipërmarrjeje do ta zhvendosin atë në rrugët e Buenos Ajresit, me datë 11 prill në orën 17:00 duke i bërë thirrje të gjithëve të dalin në protestë, për atë që konsiderohet si futbollisti i popullit.