Në një dalje nga selia blu, kryetari i PD-së Lulzim Basha reagoi në lidhje provokimin me trenin serb, ku sipas tij kjo është gjuha që pasoi dhe fletëarresti i Haradinajt.
Basha e quajti sprovë për NATO-n dhe Bashkimin Europian aktin e ndodhur me trenin serb.
Ndërsa kërkoi nga Edi Rama të bëjë detyrën që i takon si kryeministër dhe të mos mjaftohet vetëm me deklarata nga facebooku.
“Sjellja dhe gjuha e Beogradit risjell në vëmendje aktet destabliizuese dhe kërcënuese për paqen në rajon dhe kthim në regjimin e Millosheviçit. incidentit dhe provokimi me trenin dhe fletë-arresti i vjetruar, dhe fillimi i ndërtimit të një muri në Mitrovicë janë pjesë e një plani të mirë përgatitur që shkon përtej propagandës.
“Është e pamjaftueshme që reagimi i Shqipërisë të mjaftohet me deklarata në facebook”, tha Basha.
Sipas tij përgjigja ndaj këtij provokimi i takon në radhë të parë shtetit të Kosovës, por duhet dhe përgjigje nga Shqipëria.
“I kërkojmë kryeministrit të bëjë më shumë. Unë dhe PD-ja jemi të gatshëm që të japim kontributin tonë në një reagim dhe mbështetje të plotë ndaj shtetit dhe institucioneve të Kosovës, për të parandaluar përshkallëzimin e situatës dhe rikthimin e paqes e sigurisë në rajon
Kryeministrit i kërkoj të bëjë më shumë sesa reagimi në facebook.
Të bëjë detyrën që i takon sa kohë që është kryeministër”, tha ai.