Qeveria shqiptare vendosi të rishikojë buxhetin e pjesës së mbetur të vitit, me qëllim uljen e shpenzimeve dhe ruajtjen e ekuilibrave makroekonomikë e financiarë të vendit.
Ky vendim u mor pas disa mungesave në të ardhura gjatë 6 mujorit të parë të vitit.
Në dokumentin që do të merret në shqyrtim nga komisionet e Kuvendit, kërkohet reduktimi me 16.2 miliardë lekë i buxhetit.
Qeveria i miratoi këto ndryshime me një akt normativ në mbledhjen e fundit të saj. Me 16.2 miliardë lekë janë ulur edhe të ardhurat, por edhe shpenzimet, ndërsa niveli i deficitit nuk ndryshon me rishikimin e buxhetit.
Ekspertë të ekonomisë thonë për mediat se, nëse prirja e mosrealizimit të të ardhurave vazhdon me këtë tendencë, për të ruajtur deficitin, qeveria duhet të shpenzojë rreth 300 miliardë më pak.
Në 6 muajt e parë të këtij viti, vetëm nga adminsitratat fiskale, arkës së shtetit i munguan 13.4 miliardë lekë nga ajo që ishte planifikuar. Në këtë mosrealizim, 68% është vjen nga doganat dhe 32% nga tatimet.
