Banka e Shqipërisë bëri të ditur se, në fund të muajit mars shkalla e kredive me probleme ishte 22.7%, në nivele të njëjta me fundin e vitit 2014. Stabilizimi i këtij treguesi sipas Bankës Qendrore po i jep më shumë frymëmarrje bankave, duke ndihmuar në rezultate më të mira financiare.
Statistikat tregojnë se bilanci i shpenzimeve për fondin rezervë të kredive me probleme në tremujorin e parë të vitit ka qenë pozitiv, çka do të thotë se bankat kanë rikthyer një pjesë të mirë të provigjioneve të vendosura më parë.
Në tremujorin e parë të vitit, ky zë solli rreth 560 milionë lekë të ardhura në rezultatin e sistemit bankar duke konfirmuar konsolidimin e këtij tregu dhe mirëkapitalizimin e tij.
