Kryeministri i vendit Ramush Haradinaj, mban përgjegjësi politike dhe institucionale pse qytetarët e Kosovës ende nuk mund të udhëtojnë pa viza nëpër shtetet e Bashkimit Evropian, ani pse një premtim të tillë e kishte bërë kohë pas kohë dhe në mënyrë shumë bindëse.
Haradinaj edhe gjatë fushatës elektorale premtonte se me ardhjen e tij në pushtet, Kosova brenda tre muajve do të ketë liberalizimin e vizave, më pas në fund vit Kosova do të del nga geto por që asnjëra nga këto nuk ndodhen dhe edhe nëse çështja e demarkacionit kalon në Kuvend liberalizmi i vizave tashmë nuk është i sigurtë.
Lidhur me këtë, kryetari i Këshillit për Mbrojtjen, Liritë dhe të Drejtat e Njeriut (KMDLNJ), Behxhet Shala ka thënë se me miratimin e Demarkacionit, liberalizimi i vizave nuk është i sigurtë.
“Sepse në qoftë se ta zëmë që kuvendi kalon demarkacionin brenda 10 ditëve kjo absolutisht nuk garanton se ju do t’i kemi vizat. Unë mendoj se kushti kryesore është luftimi i korrupsionit dhe po shihet se shumë pak po bëhet në këtë drejtim. Pra, nuk është një çështje se demarkacioni e bllokon Kosovën. Kosovën e bllokojnë shumë procese të tjera që është lufta kundër korrupsionit që nuk po ka rezultate në të gjitha nivelet”, ka thënë Shala për “Bota sot”.