Gjykata Speciale “ po vrapon”, në mënyrë proceduriale për të arritur qëllimin e saj, para se Kosova të shkojë në zgjedhje. Kur Opozita dhe nje pjesë e koalicionit qeveritarë, siç është PDK –ja, po kërkojnë zgjedhje të jashtëzakonshme parlamentare, nga Gjykata Speciale po ndërmerren hapa, që më pas do të finalizohen me konkretizimin e aktakuzave. Në kaosin e zgjedhjeve, dihet se Gjykata Speciale nuk mund të procedojë në Kosovë, dhe duket se kjo është arsyeja që po tenton të “lajë hesapet” me të inkriminuarit e politikës, para se vendi të shkojë në zgjedhje.
Thënë ndryshe, të konkretizojë aktakuzat para se personat që flitet se janë objekt hetimi, të marrin ndonjë post tjetër shtetëror. Për të inkriminuarit e politikës dhe jo vetëm, zgjedhjet e jashtëzakonshme, duket se shihen si shpëtim nga Gjykata Speciale, por mbetet për t’u parë se sa do të shpëtojnë dhe në rast të shtyrjes së procedimit.
Ndërkohë, situata është e tillë, që jo vetëm Opozita, por edhe zyrtarë të PDK –së, si në nivel qëndror ashtu edhe në atë lokal po kërkojnë me ngulm zgjedhje parlamentare të jashtëzakonshme me pretendimin, se Qeveria Mustafa ka dështuar. Por, ndryshe mendon pjesa tjetër e koalicionit, LDK –ja, e cila është kundër zgjedhjeve të jashtëzakonshme.
(Tekstin e plotë mund ta lexoni të enjten në publikimin e shtypur të gazetës kombëtare “Bota sot”)
