Komisioneri Evropian për Politika të Fqinjësisë dhe Negociata të Zgjerimit, Johannes Hahn, ka deklaruar se vendet e Ballkanit Perëndimor kanë një perspektivë të veçantë të anëtarësimit në Bashkimin Evropian.
Ai në një intervistë për mediat serbe në pyetjen nëse debati për BE-në ka pasoja negative për afrimin e vendeve të Ballkanit Perëndimor, ka thënë se kjo nuk është kurrëfarë çështje.
“Për Turqinë, ne kemi mandat për negociata me rezultate . Në vendet e Ballkanit Perëndimor ka një perpsketivë specifike për anëtarësim në BE”, theksoi Hahn.
Ndërkaq, sa i përket rreziqeve të islamizmit radikal dhe terrorizmit në Evropë, ai tha se kontinenti i vjetër është përballur me një strukturë krejtësisht të re të kërcënimeve.
“Më parë, objektivat e sulmit ishin personalite por sot të gjithë mund të preken. Në BE dhe më gjerë duhet të intensifikohet dhe të përmirësohet bashkëpunimi dhe shkëmbimi i informacionit”, shtoi ai.
Sipas eurokomesarit, Komisioni Evropian ka paraqitur disa propozime për një luftë më efikase kundër terrorizmit.
