Ministria e Punëve të Brendshme, ka pranuar gjatë ditës së sotme donacion nga kompania “Sezin” nga Turqia me ndihmën e Ambasadës së Republikës së Turqisë në Kosovë.
Një mijë maska dhe 300 mijë pajisje tjera mbrojtëse, janë dhuruar për MPB-në.
Pranimi i këtij donacioni është bërë nga zëvendësministri i Punëve të Brendshme, Yallderai Bajrami.
Bajrami tha se këto donacione janë të mirëseardhura në këtë kohë pandemie.
“Çdo herë ndihma është e mirëpritur për shkak të pandemisë nga donator dhe mërgata jonë. Ne sot kemi pranuar një mijë maska dhe 300 mijë pajisje mbrojtëse nga kompania “Sezin”, tha Bajrami.