Çfarë të të them atdhe çfarë të të them
nur gjithçka dhemb kur gjithçka dhemb
kur dikush në ty edhe ëndrrën e tremb
kur dikush mbi ty edhe qiellin e shemb
Të pritëm gjatë si djalë dëshiri
të mëkuam edhe me qumësht gjiri
çdo mal e fushë çdo shteg e prag
u dogj nga lot i la me gjak
Dhe ti linde si ëndërr e bardhë
në kalavesh rrushi në mollë e dardhë
zemerzjarr ndezur në palcë të gurit
në sy të shqipes në palë të flamurit
I lindur dhe i rritur krismës së pushkës së malit
ëndërr e gjyshit e babait atdhe i ditëve të mia
i pagëzuar në emër të atit shpirtit e djalit
më shumë se nata e zezë po të gërryen liria
Çfarë të të them atdhe çfarë të të them
kur gjithçka dhemb kur gjithçka dhemb
kur dikush në ty edhe ëndrrën e tremb
kur dikush mbi ty edhe qiellin e shemb...
shifra"Mërgimtari"
(kjo poezi i vlerësua me çmimin e dytë në manifestimin letraro-artistik "Vjeshta dhe vargjet" të arsclub"Rifat Kukaj" në Drenas)
