Sinqeritetin dhe mirëkuptimin kur e kemi
Sfidave të jetës lehtësisht do t’u përballojmë
E në rrugëtim të mbarë do të jemi
Atëherë kur do të dimë si duhet të punojmë.
Kur të jemi pranë njëri-tjetrit
Fuqia jonë për punë të mbara do të shtohet
Do t’i ngjajmë dallgës së detit
Që nga askush s’mund të pengohet.
Për t’u krenuar se jemi shqiptarë
Prej zemrave tona të rrjedh frymë e unitetit
Ngjajshëm sikur gjaku i pastër nëpër damarë
Që kurrë më mos t’i provojmë ditët e tmerrit.
Dinjitetshëm e të papërkulur do të qëndrojmë
Para stuhive të kohës për në ardhmëri
Me mendjet e ndritura që pareshtur na fuqizojnë
Për të pasur diell e dritë, në jetë-lumturi.
Porosia e mikut
Porosinë e mikut nga largësia
Duhet pranuar me sinqeritet
Kur këshillon si duhet punojë udhëheqësia
Për të qenë ky vend me prosperitet.
Ndihma e mikut kurrë nuk ndalet
Në kohë të mjegullta e mjaft të vështira
Për t’ia zgjidhur Kosovës hallet
Këshillon miku i nxitur nga kërshëria.
Në rrugëtimin tonë asnjëherë tjetër
Për t’mos qenë kurrë më të tradhtuar
Sinqerisht ta marrim porosinë e mikut të vjetër
Që na këshillon për t’mos gabuar.
Këtë mik të veçantë që na jep udhëzime
Për shtet funksional si duhet t’punojmë
Duhet t’i shprehim shumë falënderime
E porosinë e tij në vend ta çojmë.
