Dritëro Agolli festoi 85-vjetorin e tij të lindjes, ndërsa solli për lexuesit vëllimin me poezi të shkruara ndër vite e të pabotuara me titullin “Më prit edhe pak”.
Ai ia dedikon këtë libër bashkëshortes së tij, Sadijes e cila i ka qëndruar pranë për 53 vjet.
Veç dashurisë për bashkëshorten, shkrimtari nuk i trembet vdekjes, pasi ai ka shkruar në disa variante edhe epitafin tij.
Interesante është edhe poezia “Dëshira e plakut horr”, ku përmend se do të donte të kishte viagra që të bënte pak seks.
E dashur Sadije
Të dua si jetën time, madje edhe më shumë
Dëshiroj sinqerisht që unë të vdes dhe ti të jetosh
Unë edhe i vdekur do të ndjek për të parë buzëqeshjen tënde
Megjithëse kjo buzëqeshje, brenda errësirës së varrit nuk duket
Por unë do të bëj të pamundurën, qoftë edhe me anën e një fluture, që do të dalë nga kockat e mia.
EPITAF PËR VETEN TIME –VARIANT
Përjetësisht këtu fle Dritëroi
Me etrit, gjyshërit dhe shokët pranë.
Të mira bëri pak gjersa jetoi,
Më tepër mund të bënte, po s’e lanë.
DËSHIRA E PLAKUT HORR
Ne pleqve mirë na bën
Një hudhër, një lakër
Për zgjatjen e jetës
Për zgjimin fatmadh
Në mëngjes
Po unë do desha
Një pako Viagër
Të bëja pak seks...