"Paratë nuk mund të blejnë dashurinë", këndonin dikur Beatles, por një kontratë zbuloi grupin më të suksesshëm të pop-it të të gjitha kohërave. Kjo kontratë i hapi rrugën karrierës së grupit “Beatles”.
Kontrata u shit më 29 shtator në Londër për një shumë prej 365 mijë sterlinash (500 mijë dollarë), njoftoi Shtëpia e Ankandeve “Sotheby’s”.
Mbetet e vetmja marrëveshje e shkruar mes katër anëtarëve historik të “Beatles”, George Harrison, Paul McCartney dhe Ringo Starr dhe menaxherit të tyre, Brian Epstein, i cili vdiq nga një overdozë në vitin 1967. Shpeshherë Epstein është cilësuar si anëtari i pestë e “Beatles”.
Kjo akt marrëveshje u nënshkrua më 1 tetor të vitit 1962, katër ditë para daljes së këngës së parë “Love Me Do”. “Beatles” kishin nënshkruar kontratën e parë me “Epstein”, ndërkohë që Pete Best ishte ende bateristi i grupit.
Pas zëvendësimit të tij me Ringo Starrin, të dy palëve iu desh të ndryshonin kushtet e kontratës. Mund të gjejmë mbi kontratë firmën e muzikantëve dhe atë të etërve të Paul McCartney dhe George Harrisonit, pasi ata ishin asokohe nën moshën 21-vjeçare.