Pirati legjendar, Xhek Sparrou mund të jetë i pathyeshëm, por aktori që e luan rolin e tij mbetet human.
Dëmtimi i Xhoni Dep në dorë, gjatë xhirimeve të serisë së radhës të filmit ‘Piratët e Karaibeve’, me titull “I vdekuri nuk tregon përralla” ka sjellë vonesë në xhirime.
Sipas E!Online, xhirimet do të rinisin më 15 prill, pasi aktorit 51-vjeçar iu desh të fluturonte për në ShBA për t’iu nënshtruar një ndërhyrjeje kirurgjikale në dorë në 11 mars.
Filmi pritet që të shfaqet në kinema në 7 korrik 2017. Kjo është vonesa e dytë në xhirimet e filmit, pas asaj të shkaktuar nga një ciklon tropikal në muajin shkurt.
