Kryetari i Bashkimit Demokratik (BD) Zafir Berisha është “priveligjuar” nga kryetari i Komunës së Prizrenit, Ramadan Muja, në caktimin e zyrës së partisë së tij.
Pas disa vitesh të shfrytëzimit të zyrës tek ndërtesa e Tregut të Gjelbër, Zafirit i është caktuar zyrja e partisë në qendër të qytetit, përkatësisht afër objektit të Lidhjes Shqiptare të Prizrenit.
Zëdhënësi i Komunës, Ymer Berisha ka konfirmuar për “PrizrenPress” se Komuna ka caktuar një zyrë tjetër të punës për Bashkimin Demokratik.
“Partive në kuvend, Komuna duhet t’ju sigurojë zyre”, thotë Berisha.
Burimet e “PrizrenPress”-it bëjnë të ditur se zyrën e caktuar nga Komuna për BD-në e kanë synuar edhe disa subjekte tjera politike.
Zëdhënësi I BD-së, Leart Batusha ka konfirmuar ndërrimin e zyrës së partisë.
“Po e kemi ndërruar zyrën. Edhe tri ditë kalojmë në zyrën e re”, tregon Batusha.