Kryeministri në detyrë Hashim Thaçi, me rastin e inicializimit të Marrëveshjes së Stabilizim-Asociimit me Bashkimin Evropian, ka thënë se nga sot është vulosur përcaktimi strategjik i Kosovës për t’u përcaktuar për vlerat e Unionit Evropian.
Thaçi përmes një postimi në Facebook, ka thënë se Kosova është në fillim të procesit të integrimit në BE i cili në vete përmbanë shumë sfida, por sipas tij, për këtë jemi shumë të vendosur dhe të sigurtë se do t’ia dalim deri në fund.
“Sot u bë inicializimi i Marrëveshjes së Stabilizim-Asociimit me Bashkimin Europian, pra u ndërmor një hap vendimtar në rrugëtimin e Kosovës drejt anëtarësimit në familjen evropiane”.
“Me këtë marrëveshje Kosova vulos përcaktimin e saj strategjik për të përqafuar vlerat e Bashkimit Evropian si dhe për t'u bërë pjesë e këtij unioni”.
“Jemi në fillim të një procesi të integrimit me shumë sfida, mirëpo unë jam i bindur që ne kemi potencialin dhe vullnetin e duhur për t'i përballur me sukses çdo vështirësi. Këtij zhvillimi duhet ti gëzohemi të gjithë sepse sot jemi edhe më afër përmbushjes së aspiratës së popullit tonë për integrim".
