Lautaro Martinez është padyshim lideri i Interit në këtë sezon.
Por, nëse në Serie A këtë status e mban me meritë të jashtëzakonshme, në Ligën e Kampionëve, nuk ia del të përmbushë misionin e tij dhe të udhëheqë skuadrën.
Duke lënë mënjanë penalltinë zhgënjyese ndaj Atletiko Madrid, statistikat zbulojnë se argjentinasi vuan jashtëzakonisht në kompeticionin më të rëndësishëm europian.
Në këtë sezon të Ligës së Kampionëve, sulmuesi i “zikaltërve” ka shënuar dy gola, nga të cilët vetëm një me aksion, atë kundër Real Sosiedadit, ndërsa në rastin tjetër ka ndëshkuar nga pika e bardhë Salzburgun.
Ndërkaq, nëse marrim për bazë tre edicionet e fundit të Lautaro Martinez në LIgën e Kampionëve, bie në sy se 26-vjeçari ka shënuar vetëm gjashtë gola, ose përkthyer ndryshe, një gol në 353 minuta. Shifra zhgënjyese të Lautaros, i cili duket se ndjehet më komod në Serie A, teksa në Europë i duhet të orientojë shënjestrën.
