Një trajner me karizmën dhe dëshirën për të punuar si Jose Mourinho, nuk dëshiron të qëndrojë pa stol për një kohë të gjatë.
Pasi u shkarkua nga Roma janarin e kaluar, me verdhekuqtë që e zëvendësuan me Daniele De Rossi-n, ‘Special One’ – pasi kishte kapërcyer zhgënjimin e detyrimit për t’u larguar nga kryeqyteti italian – filloi të kërkonte sërish një eksperiencë të re.
Prej disa kohësh, siç dihet, Mourinho-s është përfolur për një transferim milioner në Arabinë Saudite. Tashmë në të kaluarën trajneri portugez ka refuzuar ofertat e mëdha që i kanë ardhur, edhe për shkak se ai është i lidhur me Romën me një kontratë deri në qershor 2024.
Portugezi aktualisht është duke kërkuar me menaxherin e tij Jorge Mendes për një projekt të rëndësishëm për të marrë drejtimin e një klubi të mirë në Europë.
Edhe pse disa zëra kanë qarkulluar për Barcelonan, ndoshta për shkak të marrëveshjeve të shumta të bëra së fundmi me menaxherin e tij, klubi katalanas tashmë e ka hedhur poshtë opsionin e Mourinhos.
Sipas asaj që raporton ‘El Nacional’, megjithatë, një pistë që mund të nxehet në mënyrë dramatike është ajo që çon në një rikthim të bujshëm për portugezin.
Ish-lojtari i Romas, në fakt mund të rikthehet nga Chelsea për herë të tretë në karrierën e tij, klub ku ka lënë kujtime të shkëlqyera si dhe një marrëdhënie të shkëlqyer me tifozët.
Të shtunën e kaluar, gjatë barazimit ndaj Brentfordit, disa nga tifozët e Chelseat i dedikuan disa thirrje ‘Special One’ gjatë ndeshjes.
Edhe këtë vit skuadra nuk po kalon një sezon të mirë, me skuadrën e drejtuar nga Mauricio Pochettino në vendin e njëmbëdhjetë në Premier League. Një paraqitje që mund të çojë në një divorc me trajnerin argjentinas në fund të sezonit, duke hapur skenarë të rinj.
Prandaj, Mourinho mund të jetë në rreshtin e parë si një zëvendësues i mundshëm, për atë që do të ishte përvoja e tij e tretë në Londër së bashku me Chelsean. Portugezi ndër të tjera ka dhënë tashmë dritën jeshile për t’u rikthyer në një kampionat aq të vlerësuar sa ai anglez.
