Një thesar i rëndësishëm për t’u investuar në merkato: është efekti i “Mbappe out”: Paris Saint-Germain shikon në Serie A për të zëvendësuar asin francez.
Kampioni i botës, në fakt, është i destinuar të transferohet te Real Madridi i Carlo Ancelottit.
Një lëvizje që do t’i lejojë klubit të kursejë 200 milionë në paga bruto dhe kontribute të ndryshme dhe 80 milionë nga kësti i dytë i bonusit të besnikërisë prej 180 milionë të nënshkruar në 2021.
Kjo është arsyeja pse Paris Saint-Germain po përgatitet të investojë të paktën treqind milionë euro në seancën e ardhshme të merkatos së verës për të mos u kapur i papërgatitur pas largimit të Mbappe.
Dhe në shënjestrën e klubit të Al-Khelaifi janë të gjithë emrat më të mëdhenj të futbollit europian, përfshirë edhe pjesët e çmuara të kampionatit të Serisë A.
Para së gjithash, Lautaro Martinez është në sy të Paris Saint-Germain-it, ndonëse me karakteristika të ndryshme nga Mbappe. Argjentinasi duket se është objektivi që përputhet me planet e parisienëve.
I lidhur me Interin deri në vitin 2026, ai kërkon 10 milionë euro në sezon nga zikaltrit që arrijnë me vështirësi në 8 dhe e vlerësojnë atë në 150 milionë.
Më pas është Victor Osimhen: sulmuesi nigerian duket i destinuar të largohet nga Napoli verën e ardhshme dhe klauzola e tij e lirimit prej 130 milionësh është shumë e arritshme për PSG-në, një klub që vetë De Laurentiis e ka treguar si një destinacion të mundshëm për sulmuesin.
Dhe së fundi është Rafael Leao: një tjetër fiksim i Campos që e mori te Lille dhe Milani mund ta linte të lirë me një ofertë prej 100-120 milionë euro.
