Kombëtarja e Suedisë ka qenë një nga skuadrat që shkonte rregullisht në vitet e fundit në aktivitete madhore.
Por pas 6 edicionesh radhazi, edhe ecuria e saj e suksesshme në Kampionatet Europiane ka marrë fund, duke sjellë si pasojë largimin e trajnerit Jane Anderson.
Ky i fundit dështoi në objektivin për të çuar Suedinë në Botërorin 2022, por mbi të gjitha rëndoi fakti që nuk e ngjiti mes 24 më të mirave në kontinent në Euro 2024, duke përfunduar vetëm në vendin e tretë sot gripin kualifikues me suksesin 2-0 ndaj Estonisë, shumë i shkëputur nga Belgjika dhe Austria.
Si rrjedhojë, trajneri i cili kishte marrë drejtimin e këtij ekipi në vitin 2026, i dha lamtumirën atij pas 93 ndeshjesh, në të cilat ka koleksionuar 48 fitore, 15 barazime e 30 humbje. Largimin e konfirmoi me një postim në rrjetet sociale edhe Federata Suedeze e Futbollit, e cila priti derisa të mbylleshin ndeshjet e fundit në grup për të dekretuar diçka që pritej prej javësh.
Andersen mori famë sidomos për kualifikimin në Botërorin 2018, kur mundi në play-off Italinë, por edhe sepse në atë vit nuk grumbulloi Zlatan Ibrahimoviç me ekipin.
