Partizani konfirmon Arbër Abilaliajn në rolin e trajnerit. Ish-sulmuesi vlonjat, e nisi sezonin si drejtor sportiv te kampionët e Shqipërisë.
Por, 37-vjeçari pranoi postin e trajnerit të përkohshëm të “Demave” më 10 tetor pas rikthimit të Zoran Zekiq në Kroaci.
Abilaliaj ka regjistruar vetëm fitore si teknik i Partizanit, duke dhënë kontribut të madh në ngjitjen e skuadrës në krye të Superiore. Post që e ndan me Egnatian.
Ecuria pozitive, pavarësisht skepticizmit në ditët e para, ka ndikuar që presidenca ta konfirmojë Abilaliajn në postin e trajnerit të skuadrës kryeqytetase.
