Dënimi me 10 pikë nga Gjykata Federale, i ka vështirësuar rrugën Juventusit në garën për një vend në Champions, e ndoshta e ka bërë edhe të pamundur.
Vetë UEFA ka qenë në pritje të vendimit që do të jepet për Juventusin dhe tashmë një vendim i dytë pritet edhe nga organi më i lartë i futbollit në Europë.
UEFA është gati ta përjashtojë Juventusin nga garat Europiane për sezonin e ardhshëm, duke i hequr çdo mundësi pavarësisht nëse bardhezinjtë renditen apo jo në zonën e Europës.
Duke qenë se dënimi i Juventusit vjen për shkak të parregullsive financiare, kjo prek direkt rregullin e “Fair Play Financiar” dhe UEFA po bën një tjetër investigim.
“La Gazzetta dello Sport” raporton se në muajin qershor, UEFA do të japë vendimin për Juventusin që me shumë gjasa do të jetë përjashtim.
