Casemiro ka qenë një nga lojtarët që ka vuajtur jo pak përballë Mançester Sitit. Madje, ka rrezikuar të ndëshkohet me kartonë, por gjyqtari Orsato e ka falur.
Pas takimit dhe një tjetër mbrëmjeje historike, braziliani ka folur për mikrofonat e televizionit “Movistar”.
“Është e pabesueshme ajo që ka ndodhur.
Nuk kam fjalë për të përshkruar këtë ndjesi pas këtij suksesi. Kemi treguar edhe një herë se çfarë klubi jemi, çfarë skuadre jemi, nuk dorëzohemi kurrë. Kemi eliminuar një klub të madh, një skuadër që luan një futboll të çmendur.
Liverpuli? Nuk kam shumë fjalë, të gjithë e dimë se çfarë rivali do të kemi përballë. Do të jetë një finale madhështore”, ka thënë Casemiro.
