Kamza Basket fitoi 91-86 ndaj Vllaznisë në ndeshjen e prapambetur të javës së tetë të Superligës në basketboll për meshkuj, sfidë e luajtur në Kamëz. Takimi ishte shtyrë për shkak të mungesës së energjisë elektrike pak ditë më parë.
Një sfidë mjaft e bukur, ke rivalitet dhe emocione gjatë gjithë kohës, ku të dyja ekipet dueluan fort për fitoren, vendosur në sekondat e fundit në favor të vendasve. Ata që bënë diferencën në parket ishin 4 amerikanët e Kamza Basket.
Brooks me 24 pikë, Matthew me 23 pikë, Davis me 19 pikë e Edwards me 18 pikë ishin lojtarët që i dhanë fitoren skuadrës vendase, që ngjitet në vendin e tretë në renditje, duke parakaluar pikërisht shkodranët, që pak ditë më parë larguan edhe trajnerin.
Superliga – Meshkuj, java e 8-të
Dinamo – Teuta, 56-80
Tirana – Partizani, 87-70
Kamza Basket – Vllaznia, 91-86
Renditja: Teuta 15 pikë, Tirana 14 pikë, Kamza Basket 13 pikë, Vllaznia 12 pikë, Partizani 9 pikë, Dinamo 9 pikë.
