Starti i gjysmës së mbetur i Kategorisë së parë solli menjëherë ndryshim në renditjen e Grupi A.
Falë penalltisë së Mziut, Korabi fitoi 0-1 në fushën e Burrelit. Një rezultat që e ngjit ekipin nga Peshkopia në krye me 31 pikë, ndërsa me barazimin pa gola në trasfertën me Mamurrasin, Besëlidhja pozicionohet e dyta me një pikë më pak. Barazim me rezultatin 1-1 edhe në ndeshjen ndërmjet Erzenit dhe Kamzës. Avantazhit të ekipit nga Shijaku me Rezin në të 66-ën, miqtë iu përgjigjën në kohën shtesë me golin e Mersinit.
Me suksesin 0-1 në fushën e Lushnjes, Luftëtari konsolidon kreun e Grupit B me 35 pikë. Vendimtar për gjirokastritët ishte portieri Miraka që neutralizoi penalltinë e Xhafës, ndërsa Bregu në shtesë realizoi golin e triumfit. Apolonia fitoi me goleadë 2-5 në Elbasan dhe ngjitet në vendin e dytë, duke përfituar nga humbja 2-0 e Pogradecit në fushën e Shkumbinit.
Kategoria I
Grupi A
Erzeni-Kamza 1-1
Mamurrasi-Besëlidhja 0-0
Kastrioti-Ada 3-0
Besa-Iliria 1-1
Burreli-Korabi 0-1
Grupi B
Turbina-Sopoti 1-0
Elbasani-Apolonia 2-5
Butrinti-Dinamo 1-0
Lushnja-Luftëtari 0-1
Shkumbini-Pogradeci 2-0