Fitorja kundër Manchester Cityt në “EtihadStadium”, e ka bërë Leicesterin kandidatin kryesor për titullin e Premierligës në këtë sezon.
Ekipa e italianit Claudio Ranierit, tani janë plus gjashtë pikë vendit të dytë që është Manchester City, i cili deri në ndeshjen e Tottenhamit kundër Watford, do të qendrojë në vendin e dytë, pasi nëse fiton do t’i zë vendin skuadrës së Pellegrinit.
Megjithatë, pavarësisht epërsisë së vet, skuadra e Leicesterit të cilët po kërkojnë titullin e parë të Premierligës, do të kenë edhe 13 takime të rëndësishme. E sidomos udhëtimi në “Emirates” për t’u përballur me Arsenalin do të jetë një sfidë e madhe për ta, por kjo nuk është ndeshja e vetme e vështirë e Leicesterit si mysafirë, ata do të udhëtojnë edhe në “Old Trafford”, ku i pret një ndeshje mjaftë e zjarret.
Ndeshja e fundit do të jetë në “Stamford Bridge” kundër Chelseat, që është në formë jo të mirë në këtë sezon.
Në shtëpi skuadra e Ranierit ka për të luajtur disa ndeshje mjaftë interesante, ku pret Southamptonin, West Hamin, Evertonin, dhe ekipet që po luftojnë për mbijetesë, Newcastle, Sunderland dhe Norwich.
Kështu Leicesterin, e pret një sfidë mjaftë interesante deri në fund të sezonit, andaj ata duhet patjetër ta mbajnë këtë formë, nëse dëshirojnë që titulli të festohet në Leicester.
