Silvio Berlusconi, Barbara Berlusconi, Adriano Galliani dhe Sinisa Mihajlovic janë bërë bashkë për të paraqitur projektin final të Milanit. Drejtuesit e Milanit i kanë dhënë premtimet e tyre për Milanin e edicionit të ardhshëm.
Berlusconi ka qenë i shkurtër në paraqitjen e tij duke thënë vetëm se do të vazhdoj me blerje dhe do të ndërtoj Milanin e madh. Mihajlovic ka folur më gjatë për Milanin e tij, transferet, formacionin dhe objektivat.
"E tëra që dua të them është se duhet të keni frikë nga Milani im. Kam një mesazh të qartë për rosonerët, Milani i madh po kthehet. Ne do të jemi ekip i djajve, kemi qëllime të mëdha.
Nuk ka dyshim se unë do të luaj me dy sulmues dhe me 4 mbrojtës, me siguri se 4-3-1-2 do të jetë sistemi jonë, por nuk do të thotë se do të mbetet vetëm ky sistem.
Kemi nënshkruar me lojtarë cilësorë, por bordi i klubit na ka premtuar se do të ketë edhe transfere të mëdha. Nuk premtoj asgjë konkretisht, por premtoj se do të jemi ekip fitues" ka thënë Mihajlovic.
