Mesfushori ofensivë shqiptar, Granit Xhaka, me Monchengladbach-in janë shumë afër kualifikimit direkt në Champions League. Monchengladbach si vendas shënoi fitore me rezultat 1:0 kundër Wolfsburg-ut, në ndeshjen derbi të javës së 30-të të Bundesliga I. Futbollisti Kruse në minutën e 90-të shënoi për fitoren e madhe të skuadrës së tij, e cila kalon në vend të tretë me 57 pikë, kurse Wolfsburgu është i dyti me 61 pikë. Xhaka luajti standard dhe bëri lojë shumë të mirë, duke ndihmuar ekipin në fitoren e madhe.
