Futbollisti i Perth Glory, Ruben Zadkovich i ndëshkua me karton të kuq, vetëm 17 sekonda pas inkuadrimit në lojë për shkak të një ndërhyrje të pakontrolluar.
Secili futbollist që inkuadrohet në lojë nga banka e rezervistëve dëshiron të lë gjurmë në ndeshje.
Dhe, futbollisti i Perth Glory, Ruben Zadkovich duket se e mendoi të njëjtën gjë.
Por, nuk i shkoi sipas planit. Ai u përjashtua me karton të kuq vetëm 17 sekonda pas inkuadrimit në lojë si rezervist në duelin kundër Wellington Phoenix.
Zadkovich e zëvendësoi bashkëlojtarin Rostyn Griffiths në minutën e 61-të, por vetëm dhjetëra sekonda më vonë u desh të përcillej brenda tunelit pas një ndërhyrje të pakontrolluar ndaj kundërshtarit, Vince Lia.