Vllaznia është zyrtarisht kampione e të rinjve, edhe pse dje nuk arriti të luante ndeshjen e javës së 25-të kundër Besës. Për shkak të mosparaqitjes së ekipit kavajas, shkodranët e fitojnë këtë takim në tavolinë me rezultatin 3-0 dhe duke qenë se ndjekësi më i afërt i kuqebluve, Partizani, barazoi në Pogradec, automatikisht Vllaznia fiton titullin kampion 5 javë para përfundimit të kampionatit. Me 63 pikë në krye të klasifikimit, skuadra e drejtuar nga Luan Zmijani vulos titullin, teksa është aktualisht 15 pikë para Partizanit. Edhe nëse i humbet të gjitha takimet deri në fund dhe nga ana tjetër të kuqtë të njohin vetëm fitore, sërish kampione është Vllaznia, pasi dominon në ndeshjet direkte..