Bordi drejtues i klubit të hendbollit Novi Pazari vendosi sot të tërhiqet nga Liga Arcus e Serbisë!
Klubi boshnjak nga krahina e Sanxhakut nuk duron fyerjet primitive të tifozëve të Cërvena Zvezdës së Beogradit.
Ky vendim u mor nga anëtarët e menaxhmentit të Novi Pazarit pas ndeshjes me Cërvena Zvezdën në Beograd, gjatë së cilës tifozët vendas i ofenduan ata mbi baza kombëtare dhe fetare.
Klubi nga Sanxhaku gjithmonë shikohet me një sy urretje nga Beogradi dhe Serbia.
Vendimi për t’u tërhequr nga liga u mor njëzëri nga drejtuesit e klubit!
"Në seancën e jashtëzakonshme të Bordit Drejtues të Novi Pazarit, propozimi i menaxhmentit të klubit u miratua njëzëri. Ne sot me shkrim do t'ia përcjellim vendimin menaxhmentit të Arcus League", - tha sekretari i Klubit të Hendbollit Novi Pazar Demir Crnovrsanin.
Vendimi tronditës i Klubit të Hendbollit Novi Pazar u konfirmua edhe nga anëtari i Bordit Menaxhues, Husein Memiq.
"Për fat të keq, ne po i japim fund. Është vendimi i duhur.
Më lejoni të mos e ritregoj atë që ndodhi tani. Meqenëse të tjerët nuk duan ta zgjidhin problemin, ne nuk duam të turpërojmë Novi Pazarin, Sanxhakun dhe boshnjakët. Shumë do të pendohen, është një histori 55 vjeçare, por ne nuk duam t'i ekspozojmë njerëzit në një atmosferë të tillë ", - tha anëtari i klubit Memiq.
Pas pesë javëve të luajtura, Novi Pazari është i pesti në tabelën e Grupit A të Arcus League me tre pikë të fituara. Ndeshjen e fundit e humbi me 33:24 në Beograd në një atmosferë të poshtër të krijuar nga tifozët “Delija”.
