Kryeministri Edi Rama ka reaguar sërish duke i sqaruar studentët se po kërkon të dialogojë dhe jo të negociojë.
Kreu i Ekzekutivit thekson se një frikë të tillë nga dialogu e ka parë te politikanët, ndërsa ngre pikëpyetjen se dikush po i pengon studentët duke bërë megafonin e prishur me telefon.
“Negociata? Kush po kërkon negociata se unë kërkoj Dialog, jo negociata. Frikën nga Dialogu e kam parë tek politikanët që sot presin t’i nxjerrin gështenjat nga zjarri duke mos treguar duart. Mos vallë kush po i pengon studentët me megafon kundër Dialogut bën telefonin e prishur?”, deklaron kryeministri Rama. /ATSH