Fëmijëria mes plehrave; Të miturit që po rriten në landfillin e Durrësit - Bota Sot
Fëmijëria mes plehrave; Të miturit që po rriten në landfillin e Durrësit

Shqipëria

E hënë, 21 maj 2018

Fëmijëria mes plehrave; Të miturit që po rriten në landfillin e Durrësit

Më: 17 maj 2018 Në ora: 09:57
Të miturit që po rriten në landfillin e Durrësit

Dhjetëra fëmijë sigurojnë jetesën së bashku me familjet e tyre nga mbledhja e mbetjeve të diferencuara në Durrës.

Çdo ditë ata rendin pas makinave që transportojnë mbetjet e zonave përreth. Klevisi dhe tre anëtarë të tjerë të familjes së tij e sigurojnë jetesën përmes punës në vendgrumbullimin e mbetjeve urbane të zonës së Sukthit.

Prindërit e tij nuk punojnë. Familja nuk përfiton as nga skema e ndihmës sociale. E ka braktisur herët shkollën, ndërsa e motra është analfabete. E kanë të vështirë të thonë dhe sa para fitojnë nga puna në landfill.

-“Nuk dua të shkoj. Punoj këtu e me lekët marr ushqime për familjen. Na e prenë asistencën dhe e lashë shkollën”, shprehen disa prej fëmijëve. Ka dhe nga ata të cilëve dëshira për shkollën nuk u mungon. “Unë vij këtu kur mbaroj shkollën. Jam në klasë të shtatë. Fitoj 3500 lekë. Blej ushqime. Jemi 7 veta në familje. Vetëm babi punon në Maqedoni. Mami është e sëmurë.”

Në pamundësi për të gjetur alternativa punësimi, prindërit pranojnë që fëmijët të punojnë këtu për të siguruar të ardhurat për familjen.

“Nuk shkojnë në shkollë se nuk kanë ç’të hanë. Unë fitoj 2 mijë lekë në ditë. Tërë ditën të rrish këtu për 2 mijë lekë. Kjo nuk mjafton. As një çokollatë për fëmijët nuk blihet”, shprehet një banor i zonës.

Asnjë prej këtyre fëmijëve, nuk thotë se një pjesë të parave i përdor për të plotësuar dëshirat prej fëmije. Fëmijëria është një realitet i harruar për ta në frontin e parë të rrezikut që vjen nga ndotja.

Komentet
comments powered by Disqus
Sot mund të lexoni Shfletoni kopertinat
Sondazh
test