Gara për kreun e ri të Partisë Demokratike tashmë ka nisur zyrtarisht.
Kryetari i “ngrirë” Lulzim Basha dhe një ndër themeluesit e kësaj force politike Eduard Selami, sot do të zhvillojnë takimin e parë në qytetin e Lezhës.
Takimi i parë do të bëhet në Pallatin e Kulturës, ku në orën 10:00 Eduard Selami do të prezantojë platformën e tij para anëtarësisë, ndërsa në orën 11:30 do të jetë Lulzim Basha.
Vlen për tu përmendur se kjo është hera e parë në Shqipëri që dy rivale do të përballen me njëri –tjetrin ballë për ballë.
Model i huazuar nga Shtetet e Bashkuara të Amerikës, ku dy kandidatët Basha dhe Selami do debatojnë për vizionin e tyre para demokratëve në 3 qytete kryesore të vendit sipas formatit Town Hall.
