Kryetari i PD-së, Lulzim Basha nuk heq dorë nga kërkesa për të larguar Ramën si kryeministër.
Në një intervistë për Zërin e Amerikës, Basha tha se ka marrë mbështetje nga administrate e presidentit Trump, por nuk pret zgjidhje nga të huajt.
“Opozita nuk do të pranojë dhe lejojë zgjedhje me krimin dhe kushti është largimi i Ramës për të krijuar kushte për zgjedhje të lira dhe të ndershme”, u shpreh ai nga Uashingtoni.
Basha tha se në Shqipëri ka pasur votime por jo zgjedhje dhe se ata do ta bllokojnë procesin me mekanizma paqësorë.