Doda: Do ta shaja,por se ke gjallë
Një replikë në distancë mes deputetes Mesila Doda dhe përfaqësuesit të LGBT, Kristi Pinderit ka degraduar deri në fyerje personale. Këto të fundit i ka bërë parlamentarja, duke i kujtuar aktivistit të LGBT edhe nënën e vdekur. "Te ta kthej nga mamaja, nuk e ke dhe nuk dua te ngas ata qe s’janë më, të shaj nga gruaja, nga e dashura as atë se ke... Ti je thjesht i mjerë ", shkruan Mesilda Doda për Kristi Pinderin.
Replikat
Deputetja e PDIU, Mesila Doda është shprehur kundër legalizimit të prostitucionit dhe kjo ka sjellë reagimin e Krisit Pinderit, aktivist i LGBT.
Në statusin e tij në facebook, Pinderi ka deklaruar se çështja e legalizimit implikon 2 probleme që nuk kanë të bëjnë fare me faktin e të drejtës së gjithkujt për të përdorur trupin sipas dëshirën. Ndër të tjera Pinderi e ka quajtur deputeten 'prostitutë politike'.
"Kam dy probleme në lidhje me këtë debatin për prostitucionin: Problemin e parë e kam me faktin që flamurin pro legalizimit e mban një biznesmen i cili e trajton debatin në këndvështrimin e shtimit të fitimeve e jo në këndvështrimin e tipit: secili ka të drejtë të bëjë ç’të dojë me trupin e vet. 2. Më bezdis fakti që në këtë vend ne mund të riciklojmë politikanë si tipi i Mesilës përmes të ashtuquajturit mbrojtje të moralit shoqëror. Mesila, e si ajo të gjithë politikanët shqiptarë janë njerëzit që ushtrojnë prostitucion nga mëngjesi deri në darkë, përmes favoreve, marrëveshjeve e kompromiseve që bëjnë me njëri-tjetri. E thënë ndryshe një prostitutë politike nuk mund të japë mendim së çfarë do bëjë me trupin e vet një grua apo një burrë", ka shkruar Pinderi.
I menjëhershëm ka qenë edhe reagimi i Dodës e cila është revoltuar dhe e ka quajtur aktivistin legen dhe të mjerë duke i kujtuar atij edhe nënën e vdekur.
Mesila Doda i është përgjigjur: "Po shof fyerje të renda që Kristi Pinderi ka lëshuar në adresën time sepse kam dale kundër propozimit te legalizimit te prostitucionit...ça te them o legen i vogël...
Te ta kthej nga mamaja, nuk e ke dhe nuk dua te ngas ata qe s’janë më, të shaj nga gruaja, nga e dashura as atë se ke... Ti je thjesht i mjerë sepse nuk ke e s'ke per te patur kurre dashurine e nje gruaje afer vetes... Je një mjeran i vogel. Ty s’të them dot as ta mendosh si ne shtëpinë tende, se te vjen një dite fëmija e te thotë kam zgjedhur ketë profesionin e prostitutës meqë e futet brenda ligjit, se as këtë s’ke për ta pasur dot.
Sa për zgjedhjet e mia politike i kam bere me ballin lart dhe duke shkuar kundër çdo korrenti te forcës o legen. Nuk kam përfituar kurrë as një gjysem leku pa djerse e pa respektuar ligjin, ne ndryshim me ty qe majmesh me fonde BE e fonde qeverie per diskriminim qe se ke patur kurrë. Ku janë fondet e strehës që more? Sa vete strehuat qe i përzuri familja? Me këto dhe te tjera do merrem shume po shume seriozisht.
Tash edhe një fjale për këto shoqatat e grave qe preken dhe reagojnë kur behet fjala për zonjat ne politike. Unë ja dal 100 here, 1000 here vetëm, po na e kurseni hipokrizinë kinse po mbroni te drejtat e grave e po ndihmoni praninë e tyre ne politike. Ky është reagim histerik dhe fyerje ndaj nje gruaje, ndaj nje nene, vetëm se po guxon dhe njëherë te shkoje kundra rrymës".
