Ura e Degës në Klos u dëmtua rëndë nga reshjet e rëna një vit më parë e megjithatë situata vijon të jetë e njëjtë. Banorët kërkojnë që të ndërhyhet sa më parë pasi dimri po afron ndërsa do të jetë i pamundur dërgimi i fëmijëve në shkolla.
800 banorë të 3 fshatrave në bashkinë Klos kanë mbetur të izoluar për shkak të dëmtimit të Urës së Degës një vit më parë si pasojë e reshjeve të shiut.
Banorët shprehen se janë në vështirësi pasi ushqimet duhet ti kalojnë në krah në anën tjetër dhe gjendja bëhet edhe më serioze në rast të ndonjë emergjence mjekësore.Sipas banorëve të këtyre fshatrave duhet që të gjendet një zgjidhje sa më parë pasi po afron dimri dhe dërgimi i fëmijëve në shkolla do të jetë thuajse i pamundur
Ndryshimi i projektit të kësaj ure ka bërë që të vonohet ndërhyrja për regullimin e urës.