Kryetari i Partisë Demokratike, Lulzim Basha, pas takimit me ambasadorin amerikan Donald Lu, deklaroi për mediat se vendi është në një gjendje shumë të rëndë dhe PD-ja ka marrë “përsipër misionin e përballjes me keqqeverisjen dhe krimin e lidhur me qeverisjen”.
“Vrasjet mbeten të pazbardhura, shkaku i varfërisë është korrupsioni qeveritar, drejtësia nuk vendoset... në këtë gjendje të rëndë, përgjegjësia e PD-së është të formulojë rrugët e daljes”, tha Basha.
Në lidhje me reformën në drejtësi, kreu i opozitës theksoi se mazhoranca nuk e do atë, pasi, sipas tij, kërkon të mbajë avantazhet që ka sot.
“Por ne do ia dalim që t’i japim shqiptarëve një skemë politike të pastruar nga kriminelët”, theksoi Basha.