Nuk kanë të sosur videot skandaloze nga orët mësimore në shkollat e Shqipërisë.
E radhës vjen nga shkolla e mesme e fshatit Orenjë në rrethin e Librazhdit. Në këtë video të postuar nga faqja satirike “Jeta osh qef” shihet një mësues i cili godet me thupër nxënësit, ndërkohë që i ka dalë situata jashtë kontrollit.
Nxënësit argëtohen me veprimet e mësuesit teksa ky i fundit ecën nëpër klasë dhe vijon t’i qëllojë këta të fundit me thupër, transmeton Shekulli.
Videoja mendohet të jetë xhiruar rreth një javë më parë.
Kjo nuk është hera e parë që shohim mësues të cilët ushtrojnë dhunë fizike dhe psikologjike ndaj nxënësve.
Ministrja e Arsimit, Lindita Nikolla, e ka cilësuar të papranueshme ushtrimin e dhunës brenda mjediseve të shkollës. Tashmë na mbetet veçse të presim reagimin e Ministrisë së Arsimit rreth rastit në fjalë.
