Drejtori i Policisë së Shtetit Haki Çako, i shoqëruar nga Drejtori për Narkotikët dhe Trafiqet Idajet Faskaj, zhvilloi një vizitë pune në Selanik të Greqisë , në Drejtorinë e Policisë Selanik.
Çako u prit nga Drejtori i Përgjithshëm i Selanikut Gjeneral Vasilis Musidhis dhe nga Drejtori i Përgjithshem i Maqedonisë Qëndrore me qendër në Selanik, Gjeneral Nikos Vanduvaqis.
Musidhis dhe Çako kanë vlerësuar maksimalisht bashkëpunimin që eksiston aktualisht ndërmjet dy policive, e në veçanti bashkëpunimin në luftën kundër trafikimit të lëndeve narkotike.
Në takim u diskutua për çështjet e bashkepunimit në fushën e Krimit të Organizuar dhe në veçanti të Drogës, ku palët janë dakortësuar për forcimin e bashkëpunimit policor.
Gjatë vizitës në Drejtorinë e Policisë Selanik , delegacioni i Policisë Shqiptare vizitoi Sallën e Komandimit, ku menaxhohet dhe kontrollohet i gjithë qyteti nëpërmjet kamerave, për trafikun rrugor, për tubime, manifestime apo aktivitete masive.