Kryetari i Bashkisë së Tiranës, Erion Veliaj pas betimit dhe marrjes së detyrës dje zyrtarisht duket se do të përdorë transportin publik për të shkuar në punë.
Qytetari i parë i Tiranës është fotografuar sot ndërsa priste urbanin në një stacion dhe më pas brenda tij duke udhëtuar për në punë, pavarësisht kushteve aspak komode që ofrojnë urbanët e kryeqytetit.
Në fotot e publikura, duket se Veliaj ka zgjedhur urbanët, pikërisht për të parë se në çfarë situate gjendet transporti publik sot, për të cilin ka premtuar shumë gjatë fushatës elektorale.
