Nën moton "Rinia Guxon", një grup të rinjësh kanë hartuar "Kontratën Sociale", të cilën do t'ia paraqesin kandidatëve për kryetarë të ardhëshëm të bashkive, në veri të Shqipërisë.
Të rinjtë synojnë që, përmes kësaj nisme, të dëgjohen zëri dhe problematikat e tyre nga kryetarët e ardhëshëm të bashkive. Për vetë nivelin e lartë të papunësisë, varfërisë dhe infrastrukturën e prapambetur, në bashkitë veriore të Shqipërisë,të rinjtë përballen me problematika të shumta ekonomike dhe sociale, që i shtyjnë të largohen drejt zonave të tjera të vendit ose në emigracion.
