Agjencitë turistike në Shqipëri ankohen se çmimet e shtrenjta të fluturimeve në Shqipëri po dëmtojnë turizmin
Përfaqësues të agjencive turistike, të cilët thonë për mediat shqiptare se situata vazhdon të rëndohet nga viti në vit.
Tirana, sipas tyre, mbetet destinacioni më i shtrenjtë në rajon për fluturime.
„Dhe jo vetëm avionët, por edhe tragetet kanë çmime të rritura artificialisht. Tani që flasim, një person nuk mund të udhëtojë dot jashtë pa 300 euro, flas për vendet fqinje, si Roma dhe Bari”, shton Sava Bardhi.
Janë disa nga shkaqet pse qytetarët shqiptarë detyrohen të paguajnë më shtrenjtë se fqinjët e tyre për të fluturuar.
Aeroporti “Nënë Tereza” ka taksat më të larta jo vetëm në rajon, por edhe në Evropë.
„Mund të them 20% më shtrenjtë. Çmimi i karburantit të avionëve këtu është më i larti”, shpjegon Bardhi.
Ndërsa Besni Vathi nga një agjenci tjetër turistike thotë se po mundohen të gjejnë rrugë të tjera, duke devijuar trafikun e fluturimeve.
“Ne po i çojmë dhe sjellim njerëzit nga aeroportet e rajonit, sepse na bie shumë më lirë. 90% të organizimeve i bëjmë nga Shkupi ose Prishtina”, thotë Vathi.
Turizmi është një nga degët më të mëdha të ekonomisë, me gati 13% të prodhimit kombëtar.
Por, ndikimi i tij është shumë më i madh, pasi prek një sërë sektorësh zinxhir.
