Ish Ministri i Mbrojtjes Arben Imami deklaroi sot në Parlament se “infrastruktura e Forcave të Armatosura po përdoret si infrastrukturë e trafikut të lendeve narkotike”.
Deklarata e fortë e deputetit Imami u bë gjatë shkëmbimit të polemikave me Ministren e Mbrojtjes, Mimi Kodheli, e cila pavarësisht se reagoi, nuk e përgënjeshtroi deklaratën. Burime te ISIS pranë Ministrisë se Mbrojtjes u shprehen se ministria Kodheli ka thirrur ditë më pare në një takim drejtuesit e larte te FA pikërisht lidhur me këtë shqetësim dhe i ka informuar për disa raste te përdorimit te bazave te FA për transportin e lendeve narkotike. Po sipas këtyre burimeve mësohet se ajo ju ka kërkuar marrjen e masave për ndalimin e kësaj veprimtarie.
Ndërkohe, një nder gazetat me te mëdha italiane, “Corriere della Sera”, ne një artikull te ditës se sotme shkruan se trafiku i lendeve narkotike nga Shqipëria drejt Italisë është rritur ndjeshëm, madje është sofistikuar edhe mënyra e transportimit te lendeve narkotike, duke i dërguar ato ne formën e silurëve dhe tërhequr me mjete motorike detare.
Pak dite me pare, ambasada e Shteteve te Bashkuara te Amerikës nxori një njoftim për shtetasit amerikan, duke i lajmëruar ata qe te mos vizitojnë Lazaratin për shkak te rrezikshmërisë qe ai paraqet për qytetaret amerikane, pasi atje nuk ka prezence te agjencive ligejzbatuese te shtetit shqiptar.
