Policia ka arrestuar shoferin e automjetit që përplasi për vdekje këmbësorin 65 vjeçar mbrëmjen e djeshme (21 mars) në aksin rrugor Lushnjë-Berat.
Viktima i identifikuar si S.H, ndërroi jetë sot në spitalin e Tiranës ku ishte dërguar për trajtim më të specializuar mjekësor.
Në njoftimin e policisë bëhet me dije se shoferi 69 vjeçar B.K i cili u largua nga vendngjarja, kishte fshehur automjetin e tij në Dimal.
Mjeti tip “Nissan” u sekuestrua në cilësinë e provës materiale ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
